ജനയുഗം വാര്‍ത്തകള്‍

ഒറീസയിലെ ആരാച്ചാര്‍മാരേ നിങ്ങള്‍ക്ക്‌ പൗവ്വത്തിലിന്റെ സ്തുതി.

Posted by ജനയുഗം വാര്‍ത്തകള്‍ on സെപ്റ്റംബര്‍ 1, 2008

ഒറീസയിലെ ആരാച്ചാര്‍മാരേ നിങ്ങള്‍ക്ക്‌ പൗവ്വത്തിലിന്റെ സ്തുതി.

ദിഗംബരന്‍

വിശ്വാസികളായ കുഞ്ഞാടുകള്‍ അറിയാനായി അരുളിചെയ്യുന്നതെന്തെന്നാല്‍ ഒറീസയില്‍ നടക്കുന്നതൊന്നും കണ്ട്‌ ചകിതരും വേദനയുള്ളവരുമായി തീരേണ്ടതില്ലെന്നാണ്‌. കര്‍ത്താവിന്റെ നേരവകാശിയായ മാര്‍ ജോസഫ്‌ പൗവ്വത്തിലിന്റെ തിരുമുഖത്തു നിന്നും ഉണ്ടായ വിളിച്ചറിയിക്കല്‍ കേട്ട്‌ എല്ലാ ക്രൈസ്തവ വിശ്വാസികളും ആമേന്‍ ആമേന്‍ എന്ന്‌പറയേണ്ടതാണ്‌. കന്യാസ്ത്രീകളെ കൊന്നുതള്ളട്ടെ, പള്ളികള്‍ പൊളിച്ചു കൊള്ളട്ടെ, മിഷണറിമാരെ ചുട്ടുകൊന്നുകൊള്ളട്ടെ, കര്‍ത്താവിന്റെ മണവാട്ടിമാരെ മാനം കെടുത്തികൊള്ളട്ടെ, കാട്ടിലും ഒളിത്താവളങ്ങളിലുമായി അവര്‍ കഴിഞ്ഞുകൂടിക്കൊള്ളട്ടെ. ആവലാതിവേണ്ട. അതൊക്കെ കടുത്തക്രൂരതകളോ അക്രമങ്ങളോ ആയി കാണുന്നത്‌ പാപമാണ്‌. പാപികള്‍ മുള്ളിലിഴയേണ്ടിവരും.

ഒറീസയില്‍ കണ്ടു കൊണ്ടിരിക്കുന്നതും മധ്യപ്രദേശിലുംആന്ധ്രയിലും ഒറീസയില്‍ തന്നെ മുമ്പു കണ്ടതുമൊക്കെ പ്രത്യക്ഷ ആക്രമണങ്ങളാണെന്ന പൗവ്വത്തില്‍ പിതാവ്‌ എല്ലാ വിശ്വാസികളെയും അറിയിച്ചുകഴിഞ്ഞു. ചെറിയ ചെറിയ പ്രശനങ്ങളാണ്‌ പ്രത്യക്ഷ ആക്രമങ്ങളിലുള്ളത്‌. വലിയ വലിയ പ്രശ്നങ്ങള്‍ ഒളിഞ്ഞിരിക്കുന്നത്‌ ഇവിടെ കേരളത്തില്‍ നടക്കുന്ന പരോക്ഷ ആക്രമണങ്ങളിലാണെന്ന്‌ സ്വര്‍ഗസ്ഥനായ പിതാവിനെ സാക്ഷിനിര്‍ത്തി തിരുമേനി ഉഗ്രസ്വരത്തില്‍, ദിഗന്തങ്ങള്‍ ഞെട്ടുമാറ്‌ പ്രഖ്യാപിച്ചിരിക്കുന്നു.

തകര്‍ക്കപ്പെട്ട ദേവാലയങ്ങള്‍ പുനര്‍നിര്‍മ്മിക്കാം. വിശ്വാസം തകര്‍ന്നു പോയാല്‍ പിന്നെ രക്ഷകിട്ടില്ല. അതുകൊണ്ട്‌ ഒറീസയെക്കുറിച്ച്‌ ചിന്തിച്ചു നേരം കളയാതെ കേരളത്തെകുറിച്ച്‌ആലോചിച്ച്‌ ആലോചിച്ച്‌ തലപുകയ്ക്കണം എന്നാണ്‌ ‘അഭിവന്ദ്യ’ പിതാവിന്റെ കല്‍പന. ഭൗതിക വാദവും നിരീശ്വരവാദവും ആണ്‌ സംഘപരിവാറിനേക്കാള്‍ അപകടകരമെന്നും വൈദിക ശ്രേഷ്ഠനറിയാം. സംഘപരിവാറുകാരോടു ക്ഷമിപ്പിന്‍. പക്ഷേ ഭൗതികവാദികളോട്‌ ക്ഷമിപ്പാതിരിക്കിന്‍. ഇത്‌ മറന്നുകൂടാത്ത വചനമാണ്‌

തകര്‍ന്നുപോയ ദേവാലയങ്ങള്‍ പൗവ്വത്തില്‍ പുനര്‍നിര്‍മ്മിക്കും. മാനംപോയ കന്യാസ്ത്രീകളുടെ മാനം വീണ്ടെടുക്കാനാവും. ജീവന്‍പോയ ക്രൈസതവരായ പാവങ്ങളെ പൗവ്വത്തില്‍ പുനരുജ്ജീവിപ്പിക്കുമോ? ചുട്ടുകൊല്ലപ്പെട്ട മിഷണറി ഗ്രഹാം സ്റ്റെയിന്‍സിനെയും കുഞ്ഞുങ്ങളെയും ഉയിര്‍ത്തെഴുന്നേല്‍പിക്കുമോ? ഈവിധം അനാവശ്യ ചോദ്യങ്ങള്‍ കര്‍ത്താവില്‍ ഭയമുള്ള ആരുംചോദിച്ചേക്കരുത്‌. കാരണം സര്‍വശക്തനായ കര്‍ത്താവ്‌ ക്ഷമൈക്കുകയില്ല.

ആര്‍ എസ്‌ എന്‍സുകാര്‍ നല്ലങ്കുട്ടികള്‍. കോണ്‍ഗ്രസുകാര്‍അവരെപ്പോലെ നല്ല കുട്ടികള്‍. പക്ഷേ കന്യാസ്ത്രീകളെയും ക്രൈസ്തവ വിശ്വാസികളെയും സംരക്ഷിക്കാന്‍ നിലകൊള്ളുന്ന കമ്മ്യൂണിസ്റ്റുകാര്‍ പരമമായ പാപം ചെയ്യുന്നവര്‍. ഒറീസയിലെ കുരുതികള്‍ക്കും വേട്ടയാടലുകള്‍ക്കും പീഡനങ്ങള്‍ക്കും അറുതിവരുത്താന്‍ ചെറുവിരലനക്കാതെ കയ്യുംകെട്ടി നോക്കിയിരുന്ന്‌ രസിച്ചുമദിക്കുന്ന കേന്ദ്രഭരണത്തിന്‌ നേതുത്വം നല്‍കുന്ന കോണ്‍ഗ്രസുകാരെ വിശ്വാസികളായ കസ്തവര്‍ കണ്ടാല്‍ കെട്ടിപ്പിടിച്ചുമ്മ കൊടുക്കണം. കാരണം കേരളത്തിലും അവര്‍ ക്രൈസ്തവരെ നലതോതില്‍ സഹായിച്ചിട്ടുണ്ട്‌. ഒളവണ്ണയില്‍ കന്യാസ്ത്രീകളെ ആക്രമിക്കുമ്പോള്‍ കേരളദേശം വാണരുളിയിരുന്നത്‌ അക്കൂട്ടരാണല്ലോ.

ആലപ്പുഴയിലെ മാര്‍സ്ലീബാ സണ്‍ഡേ സ്കൂളിലെ കുട്ടികളോടും അവരുടെ മാതാപിതാക്കളോടുമായി പൗവ്വത്തില്‍ ഞ്ഞായറാഴ്ച നാളില്‍ പൗരുഷത്തോടെ വിളിച്ചറിയിച്ച കാര്യങ്ങള്‍ കേട്ട്‌ കര്‍ദ്ദിനാള്‍ വര്‍ക്കി വിതയത്തില്‍ ശനിയാഴ്ചനാളില്‍ ഇങ്ങനെയല്ലല്ലൊ പറഞ്ഞത്‌ എന്ന്‌ ശങ്കപ്പെടുന്നവര്‍ ആരെങ്കിലുമുണ്ടെങ്കില്‍ അവര്‍ക്ക്‌ തെറ്റുപറ്റിയിരിക്കുന്നു. കര്‍ദ്ദിനാള്‍ പറയുന്നതൊന്നുമല്ലശരി. ആര്‍ച്ച്‌ ബിഷപ്പ്‌ പറയുന്നതാണ്‌. വിതയത്തില്‍ വിതക്കുന്നതിലല്ല പൗവ്വത്തില്‍ പറയുന്നതിലാണ്‌ കര്‍ത്താവിന്റെ ഇംഗിതം കുടികൊള്ളുന്നത്‌.ആന്ധ്രയിലും ഒറീസയിലുമൊക്കെ ക്രൈസ്തവ വിശ്വാസികള്‍ക്കു നേരെ നടക്കുന്ന അക്രമങ്ങള്‍ നിയന്ത്രിക്കാന്‍ ശ്രമിക്കാതെ കേന്ദ്ര സര്‍ക്കാര്‍ നിസംഗത പുലര്‍ത്തിയെന്നും സഭയുടെ മേലധികാരികള്‍ പലവട്ടം ആവശ്യപ്പെട്ടിട്ടും കേന്ദ്രം അനങ്ങില്ലന്നും കത്തോലിക്ക സഭ ദു:ഖമുണ്ടെന്നുമൊക്കെ വിതയത്തില്‍ പറഞ്ഞെന്നിരിക്കും. കാര്യങ്ങളുടെ കാതല്‍ അതിലൊന്നിലുമല്ല. കേരളത്തിലാണ്‌ ക്രൈസ്തവര്‍കണ്ട്‌ ദു:ഖിക്കേണ്ട കാതലും അറിഞ്ഞ്‌ ചെറുക്കേണ്ട കുറ്റവും ഉള്ളതെന്ന്‌ വിതയത്തിലിന്റെ വിനീത ബുദ്ധിയില്‍ തോന്നുന്നിലെന്‍ന്നു കരുതിയാല്‍ മതി

ഇല്ലാത്ത ഒന്നിനോടാണ്‌ യുദ്ധം ചെയ്യേണ്ടത്‌. സംഭവിച്ചിട്ടില്ലാത്തതും സംഭവിക്കാനിടയില്ലാത്തതുമായ കാര്യങ്ങള്‍ക്കെതിരെയാണ്‌ ജാഗ്രത വേണ്ടത്‌. നിരീശ്വരവാദം അടിച്ചേല്‍പിക്കാനോ വിശ്വാസങ്ങളെ തകര്‍ക്കാനോ ആരുംശ്രമിക്കാത്ത കേരളത്തില്‍അങ്ങനെയുണ്ടെന്ന്‌ സങ്കല്‍പിച്ചു യുദ്ധം ചെയ്യുകയാണ്‌ കുഞ്ഞാടുകള്‍ ചെയ്യേണ്ടത്‌. എത്ര വട്ടം പറഞ്ഞാലാണ ഇപ്പോള്‍ കുഞ്ഞാടുകളുടെ കുഞ്ഞുമനസ്സുകളെ മനസലാക്കിക്കാന്‍ കഴിയുന്നത്‌. എത്രവട്ടം പള്ളി മണിയടിച്ചു. എത്ര തതവണ ഇടയ ലേഖനം വായിച്ചു കേള്‍പ്പിച്ചു. എത്ര തവണ രണ്ടാം വിമോചന സമരം പൗവ്വത്തില്‍ ആഹ്വാനം ചെയ്‌തു. ഒരുകുഞ്ഞാടെങ്കിലും അനുസരിക്കുന്നുണ്ടോ. ഇല്ല. പണ്ടൊന്നും ഇങ്ങനെയായിരുന്നില്ല. എതെങ്കിലും ഒരു ഇടവകയില്‍ ഒരു ഇടയലേഖനം വായിച്ചറിയിച്ചാല്‍ മതി വിശ്വാസികളാകെ ഇറങ്ങിതിരിക്കും. അവര്‍ നഗ്ല കുഞ്ഞാടുകളായിരുന്നൂ. ഇപ്പോഴുള്ളവര്‍ വഴിതെറ്റുന്നത്‌ കമ്മ്യൂണിസ്റ്റുകാരും ഭൗതികവാദികളുമൊക്കെയുള്ളതുകൊണ്ടാണ്‌. ആയതിനാല്‍ കുഞ്ഞാടുകളേ, ഒറീസയല്ല കേരളമാണ്‍ പ്രശനമെന്ന തെര്യപ്പെട്ടുകൊള്ളിന്‍.

വിതയത്തില്‍ പറയുന്നതുപോലെ കേന്ദ്രം ഇനി കൈകെട്ടി നോക്കി ഇരിക്കാനൊന്നുംപോകുന്നില്ല. കേരളത്തില്‍നിന്ന്‌ കോണ്‍ഗ്രസിന്റെ പ്രതിനിധി സംഘം ഡല്‍ഹിക്ക്‌ പറക്കുന്നുണ്ട്‌. ഉമ്മന്‍ ചാണ്ടിയും തെന്നലയും കാര്‍ത്തികേയനും കെ വി തോമസുമൊക്കെ സംഘത്തിലുണ്ട്‌. അവര്‍ സോണിയയെകാണും, മന്‍മോഹനെകാണും, ശിവരാജ്‌പാട്ടീലിനെകാണും. അതോടുകൂടി എല്ലാം നേരെയാവും. കര്‍ത്താവ്‌ വിചാരിച്ചാലും കഴിയാത്തത്‌ ഉമ്മന്‍ചാണ്ടിയും ചെന്നിത്തലയുമൊക്കെ വിചാരിച്ചാല്‍ കഴിയും. അതുകൊണ്ട്‌ ഒറീസയെ മറക്കൂ.

ഇവര്‍ ചെയ്യുന്ന പാപങ്ങള്‍ എന്തെന്ന്‌ ഇവരറിയുന്നില്ല, കര്‍ത്താവ്‌ ഇവരോടു പൊറുക്കേണമേ എന്നൊന്നും ഒറീസയെ മറക്കാതിരിക്കുന്നവര്‍ക്കുവേണ്ടി പ്രാര്‍ത്ഥിക്കാന്‍ ആരെയും കിട്ടില്ലെ ന്നോര്‍ത്തുകൊള്ളണം.

പൗവ്വത്തിലിന്റെ പ്രസ്താവനകേട്ട്‌ പ്രവീണ്‍ തൊഗാഡിയയും വിനയ്‌ കത്യാറും അശോക്‌ സിംഗാളും എല്‍ കെ അദ്വാനിയും നരേന്ദ്രമോഡിയും രോമാഞ്ചമണിയട്ടെ. പാവം പാവം കന്യാസ്ത്രീകളും വൈദികരും നല്ലവരില്‍ നല്ലവരായ വിശ്വാശസികളും വേദനിക്കട്ടെ.

Advertisements

ഒരു പ്രതികരണം to “ഒറീസയിലെ ആരാച്ചാര്‍മാരേ നിങ്ങള്‍ക്ക്‌ പൗവ്വത്തിലിന്റെ സ്തുതി.”

  1. A. Y . pallichal said

    Why do you talk more about orissa? What about alapuzha incident? Communist parties always want to keep all religion by their iron hand. If any one argue it, they will hurt them using money power (KAIRALI TV & DESABHIMANI) and muscle power (SFI & DYFI)

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

 
%d bloggers like this: