ജനയുഗം വാര്‍ത്തകള്‍

Archive for the ‘മൂല്യം’ Category

കേരള വികസനത്തെക്കുറിച്ച് ഒരു ബ്ലോഗ് – പ്രഫ. കെ രാമചന്ദ്രന്‍നായര്‍

Posted by ജനയുഗം വാര്‍ത്തകള്‍ on മാര്‍ച്ച് 18, 2010

കേരള വികസനത്തെക്കുറിച്ച് ഒരു ബ്ലോഗ്

പ്രഫ. കെ രാമചന്ദ്രന്‍നായര്‍

അതി­രു­ക­ളി­ല്ലാത്ത വിശാ­ല­മായ ഇന്റര്‍നെറ്റ് ലോകത്ത് ബ്ലോ­ഗു­കള്‍ പെരു­കു­ക­യാ­ണ്. ബ്ലോഗ്, സുഹൃ­ത്തു­ക്ക­ളു­മായി ആ­ശ­യ­ങ്ങളും സൗഹൃ­ദ­ങ്ങളും പങ്കു­വെ­യ്ക്കാ­നാണ് സൃഷ്ടി­ക്ക­പ്പെ­ടു­ന്ന­ത്. നല്ലതും ചീത്ത­യു­മായ കാര്യ­ങ്ങള്‍ ബ്ലോഗു­ക­ള്‍ വഴി വ്യാപ­രി­ക്ക­പ്പെ­ടു­ന്നു­ണ്ട്.­ ബ്ലോഗു­കള്‍ സൃഷ്ടിച്ച് കൂ­ടു­തല്‍ കൂടു­തല്‍ ആളു­കളെ ആ­കര്‍ഷി­ക്കാന്‍ സൃഷ്ടി­കര്‍­ത്താ­വിന് കഴി­യും. അതു­പോ­ലെ അക­റ്റാ­നും. സൃഷ്ടി­കര്‍­ത്താ­വിന് സ്വയം ദുഷ്‌പേ­രു­ണ്ടാ­ക്കാനും ബ്ലോഗ് വഴി കഴി­യും. ഇതി­നു­ദാ­ഹ­ര­ണ­മാണ് നമ്മുടെ ഒരു കേന്ദ്ര­മന്ത്രി ത­ന്റെ ബ്ലോഗില്‍ ഉപ­യോ­ഗിച്ച ”ക­ന്നു­കാലി ക്ലാസ്” എന്ന പ്ര­യോ­ഗം. ഏതാ­യാലും ഭര­ണ­ത്തി­ലും മറ്റും ഇരി­ക്കു­ന്ന­വര്‍ക്ക് ഇ­നി ബിസി­നസ് ക്ലാസ് ഉപ­യോ­ഗി­ക്കാം.
വല്ല­പ്പോഴും ബ്ലോഗ് ലോക­ത്ത് എന്ത് നട­ക്കു­ന്നു­വെ­ന്ന­റി­യാ­ന്‍ ഈ ലേഖ­കന്‍ സമയം കണ്ടെ­ത്താ­റു­ണ്ട്. അപ്പോ­ഴാണ് The Save Kerala Initiatitve എന്ന തല­ക്കെ­ട്ടില്‍ ഒരു ബ്ലോഗ് പേജ് ശ്രദ്ധി­ച്ച­ത്. എന്നാല്‍ അ­തി­ന്റെ കീഴില്‍ തന്നെ ”Dogs own country” എന്നും കൂടി ക­ണ്ട­പ്പോള്‍ അത് വായി­ക്കാന്‍ തീ­രു­മാ­നി­ച്ചു. ബ്ലോഗ് ആദ്യം സൃ­ഷ്­ടി­ക്കു­ന്ന­യാള്‍ രേ­ഖ­പ്പെ­ടു­ത്തു­ന്ന ചില ആശ­യ­ങ്ങള്‍ വായിച്ച് അ­വ­യെ­ക്കു­റിച്ച് ഒരു തുടര്‍ ചര്‍­ച്ച­യാണ് ബ്ലോ­ഗില്‍ പങ്കു­ചേ­രു­ന്ന­വര്‍ നട­ത്തു­ന്ന­ത്. അതൊരു പൊ­തു സം­വാ­ദമാ­യി­ത്തീ­രു­ന്നു.­ ആശ­യ­സം­ഘ­ട്ട­നം, ആശ­യ­സ­മ­ന്വയം എന്നി­വ­യി­ലേതും ഉണ്ടാ­കാം. സമൂ­ഹ­ത്തിന്റെ വി­വി­ധ തല­ങ്ങ­ളി­ലു­ള്ള­വര്‍ ബ്ലോ­ഗ് വഴി ആശ­യ­വി­നി­മയം നട­ത്തു­ം. പൊതു സമൂ­ഹ­ത്തിന്റെ വികാരം ബ്ലോ­ഗില്‍ പ്രതി­ഫ­ലി­ക്കും. അതാണ് നല്ല രീതി­യില്‍ നട­ക്കുന്ന ബ്ലോഗു­ക­ളുടെ ഗു­ണം. olof blomqvist എ­ന്ന  സ്വീ­ഡി­ഷ് വംശജ­നായ ല­ണ്ട­ന്‍ സര്‍വ­ക­ലാ­ശാല ഗവേ­ഷ­­ണ­വി­ദ്യാര്‍­ഥി സൃഷ്ടിച്ച ബ്ലോ­ഗാ­ണ് “The Save Kerala Initiative”.
2006 ഓഗ­സ്റ്റി­ലാണ് ഈ ഗവേ­ഷ­ണ വിദ്യാര്‍ഥി കേര­ള­ത്തി­ലെ­ത്തിയ­ത്. ”കേര­ള­ത്തിന്റെ ഭാ­വി എന്താ­യി­രിക്കും” എന്ന വി­ഷ­യ­മാണ് പ്രോജ­ക്റ്റായി എടു­ത്ത­ത്. ”കേര­ളാ­ മോ­ഡല്‍” വി­ക­­സ­ന­ത്തെ­ക്കു­റിച്ച് ഏറെ വാ­യി­ച്ച­റിവും ഉണ്ട്. പല­രു­മായി ”കേര­ള­ത്തിന്റെ ഭാവി” എന്ന വി­ഷ­യം ചര്‍ച്ച ചെയ്തു. കേര­ള­ത്തി­ന­കത്ത് വള­രെ­യ­ധികം യാ­ത്ര ചെയ്തു തെക്ക് മുതല്‍ വട­ക്ക് വ­രെ, ഫാക്ട­റി­കള്‍, കമ്പ­നി­യു­ട­മ­കള്‍, തൊഴിലാ­ളി­കള്‍, മാ­നേ­ജ്‌മെന്റ് പ്രൊഫ­ഷ­ണ­ലു­ക­ള്‍, തൊഴി­ലാളി സംഘടനാ നേ­താ­ക്കള്‍, കൃഷി­ക്കാര്‍, രാഷ്­ട്രീ­യ നേതാ­ക്കള്‍, ഭര­ണ­ത്തി­ലി­രി­ക്കുന്ന ഉദ്യോ­ഗ­സ്ഥര്‍, അധ്യാ­പ­കര്‍, മാധ്യ­മ­പ്ര­വര്‍ത്ത­കര്‍ തു­ടങ്ങി നാനാ തുറ­ക­ളി­ലു­ള്ള­വ­രു­മായി ചര്‍ച്ച­കള്‍ നട­ത്തി. അ­വ­യില്‍ നിന്നും ഉരു­ത്തു­രിഞ്ഞ ആശ­യ­ങ്ങള്‍, സംശ­യ­ങ്ങള്‍, ആ­ശ­ങ്ക­കള്‍ എന്നി­വ­യാണ് ബ്ലോ­­ഗ് വഴി പ്രച­രി­പ്പി­ക്കാന്‍ പ്രേ­രണ ആയ­ത്. അവ­യില്‍ ചി­ലത് മാത്ര­മാണ് ഇവിടെ കൊ­ടു­ത്തി­ട്ടു­ള്ള­ത്. ”ദൈവ­ത്തിന്റെ സ്വന്തം നാട്” (” Gods own Country’’) ”പട്ടി­യുടെ സ്വന്തം നാ­ട്” (Dogs own Country) ആയി മാറു­ക­യാ­ണോ എന്ന ആശ­ങ്ക­യാണ് ഈ ബ്ലോഗിലെ മുഖ്യ ആശ­ങ്ക. ഇവിടെ Dogs എ­ന്നതുകൊണ്ടുദ്ദേശി­ച്ചത് പട്ടി­ക­ളു­ടേ­തല്ല, മറിച്ച് കേര­ളത്തെ ഇന്ന് അപ­ക­ട­ഭീ­ഷ­ണി­യി­ലാ­ക്കി­യി­ട്ടുള്ള ചില പ്രശ്‌ന­ങ്ങ­ളി­ലേ­ക്കാണ് ബ്ലോഗിന്റെ സൃഷ്ടാവ് നമ്മെ കൊണ്ടു­പോ­കു­ന്ന­ത്. പ്ര­ശ്‌ന­ങ്ങള്‍ നമ്മുടെ തന്നെ സൃ­ഷ്­ടി­യാ­ണ്. അവയ്ക്ക് നാം ത­ന്നെ പരി­ഹാരം കാണേ­ണ്ടി­യി­രി­ക്കു­ന്നു.
കേരളാ മോഡല്‍ വിക­സ­ന­മെ­ന്നാല്‍ കുറ­ഞ്ഞതും ഇഴ­ഞ്ഞു­നീ­ങ്ങു­ന്ന­തു­മായ സാമ്പ­ത്തിക വളര്‍ച്ചയും ഉയര്‍ന്ന നില­വാ­ര­ത്തി­ലുള്ള മനു­ഷ്യ­വി­ക­സ­നവും ജീവി­ത­ഗു­ണ­മേ­ന്മ­യു­മാ­ണ്. എന്നാല്‍ ഈ രീതി­യി­ല്‍ അധി­ക­കാലം പോകാന്‍ പറ്റി­ല്ല. സാമ്പ­ത്തിക വളര്‍ച്ച­യി­ല്ലാതെ ജീവി­ത­ഗു­ണ­മേ­ന്മയും ഉറ­പ്പായ സാമൂ­ഹ്യ­പ­രി­ര­ക്ഷയൂം നില­നിര്‍ത്താന്‍ കഴി­യി­ല്ല. എ­ല്ലാ­വര്‍ക്കും പെന്‍ഷനും ആ­രോ­ഗ്യ­സം­ര­ക്ഷ­ണവും നല്‍­കാ­ന്‍ ഉല്‍പാ­ദ­നവും വളര്‍ച്ചയും വര്‍ധി­പ്പി­ക്ക­ണം. ഇതിന്ന് കേര­ള­ത്തില്‍ ഉണ്ടാ­കു­ന്നുണ്ടോ എ­ന്ന ചോദ്യം പ്രസ­ക്ത­മാ­ണ്. ഇ­വി­ടത്തെ സാമ്പ­ത്തിക വളര്‍­ച്ചയെ നില­നിര്‍ത്തു­ന്നത് ഗള്‍­ഫ് രാജ്യ­ങ്ങ­ളില്‍ വിയര്‍പ്പൊ­ഴു­ക്കുന്ന 20 ലക്ഷത്തി­ലേ­റെ­യു­ള്ള മല­യാ­ളി­ക­ളാണ്. അവര്‍ നാ­ട്ടി­ലേയ്­ക്ക­യ­ക്കുന്ന 18,000­-20,000 കോടി രൂപ­യാണ് പ്രതി­വര്‍ഷം കേര­ള­ത്തിന്റെ വിപ­ണി­യി­ലെ­ത്തു­ന്ന­ത്. അതില്‍ വലി­യ പങ്ക് ഉപ­ഭോ­ഗ­ത്തിനും ബാ­ക്കി­യു­ള്ളത് പ്രത്യു­ത്പാ­ദ­ന­പ­ര­മ­ല്ലാത്ത രീതി­യി­ലുള്ള നി­ക്ഷേ­പ­ത്തിനുമാണ് ചെല­വ­ഴി­ക്കു­ന്ന­ത്. സ്റ്റേറ്റിന്റെ പൊതു നിക്ഷേപം ശുഷ്‌ക്ക­മായ ബജറ്റ് കാരണം അനു­ദിനം ക്ഷയി­ച്ചു­വ­രു­ന്നു. പൊതു സ്ഥാപ­ന­ങ്ങ­ളാ­യ ആശു­പ­ത്രി­കള്‍, വിദ്യാ­ഭ്യാസ കേന്ദ്ര­ങ്ങള്‍, ഗതാ­ഗ­ത­ത്തി­ന് ഉപ­യോ­ഗി­ക്കുന്ന റോ­ഡു­കള്‍, ഓഫീസ് കെട്ടി­ട­ങ്ങള്‍ എന്ന് വേണ്ട എല്ലാ അടി­സ്ഥാ­ന സൗക­ര്യ­ങ്ങളും ശോച­നീ­യാ­വ­സ്ഥ­യി­ലാണ്. ഇതി­നു പ­രി­ഹാരം സ്വകാ­ര്യ­വ­ത്ക­ര­ണവും സ്വകാ­ര്യ­പ­ങ്കാ­ളി­ത്ത­വു­മാ­ണെന്ന വാദം ശക്ത­മാ­യി­രി­ക്ക­യാ­ണ്. ഗള്‍ഫില്‍ പോയ­വര്‍ തൊ­ഴില്‍ നഷ്ട­പ്പെട്ട് നാട്ടി­ലേയ്ക്ക് വന്‍തോ­തില്‍ മട­ങ്ങി­യാല്‍ കേര­ള­ത്തിന്റെ ഭാവി­യെ­ന്താ­യി­രി­ക്കും? സ്റ്റേറ്റ് അവര്‍­ക്കും പെന്‍ഷന്‍ നല്‍കാന്‍ മുന്നോട്ട് വന്നി­ട്ടു­ണ്ട്. അതെ­ത്ര­നാ­ള്‍ തുട­രാന്‍ പറ്റും. തിരി­ച്ചു­വ­രു­ന്ന­വര്‍ക്ക് പകരം നല്‍കാന്‍ ഇവിടെ തൊഴി­ലുണ്ടോ?
കാര്‍ഷി­ക­മേ­ഖല മുര­ടി­പ്പി­ലാ­ണ്. കൃഷി­ഭൂമി തരി­ശാ­യി­ക്കി­ട­ക്കു­­ന്നു. പാട­ങ്ങള്‍ നികത്തി ക­ര ഭൂമി­യാ­ക്കു­ന്നു. അവിടെ കോ­ണ്‍ക്രീറ്റ് കെട്ടി­ട­ങ്ങളും ഫ്‌ളാ­റ്റു­ക­ളും ആഡം­ബര സൗ­ധ­ങ്ങ­ളും ഉയര്‍ന്നു­വ­രു­ന്നു. എ­ന്നിട്ടും വീടി­ല്ലാത്ത കുടും­ബ­ങ്ങ­ളുടെ­യെണ്ണം കേര­ള­ത്തില്‍ വര്‍ധി­ക്കു­ക­യാ­ണ്.
ശരാ­ശരി മല­യാളി ഇന്ന് അല­സ­ത­യി­ലാ­ണ്. കൈവ­ശ­മുള്ള കഴി­വു­കള്‍ ഉപ­യോ­ഗ­പ്പെ­ടു­ത്താന്‍ അവന്‍ തയ്യാ­റ­ല്ല. സുഖ­ലോ­ലു­പ­രാ­യ­തു­കൊണ്ട് മെയ്യ­ന­ക്കാതെ സ്റ്റേറ്റ് നല്‍കുന്ന ആ­നു­കൂ­ല്യ­ങ്ങള്‍ സമ്പാ­ദി­ക്കാന്‍ കാത്തി­രി­ക്കു­ക­യാ­ണ്. ഇവി­ടെ­യുള്ള തൊഴി­ലു­കള്‍ ചെയ്യാന്‍ മറ്റ് സംസ്ഥാ­ന­ങ്ങ­ളില്‍ നിന്നു­ള്ള­വര്‍ വേണം. കല്പ­വൃ­ക്ഷ­ത്തിന്റെ നാടായ ഇവിടെ തെ­ങ്ങ് കയ­റാ­നാ­ളി­ല്ല. ഇവിടെ ചെ­യ്യാന്‍ മടി­ക്കുന്ന തൊഴി­ലു­കള്‍ മല­യാളി കേര­ള­ത്തിന് പുറ­ത്തെ­വി­ടേയും ചെയ്യാന്‍ തയ്യാ­റാ­ണ്. എന്നാല്‍ സര്‍ക്കാര്‍ ജോ­ലി­യേ­താ­ണെ­ങ്കിലും അത് സ്വീക­രി­ക്കാന്‍ ഉന്ന­ത­വി­ദ്യാ­ഭ്യാസം നേടിയ മല­യാളി തയ്യാ­റാ­ണ്. സര്‍ക്കാര്‍ ഓഫീ­സു­ക­ളില്‍ ക്ലാസ് – 4 ജീവ­ന­ക്കാ­രില്‍ ഒരു വിലയ വിഭാഗം ബിരു­ദാ­ന­ന്തര ബിരുദം നേടി­യ­വ­രാ­ണ്.
ഇന്ന് കേരളം മദ്യ­ത്തിന്റെ പിടി­യി­ലാ­ണ്. മദ്യ­വി­ല്‍പ­ന­യില്‍ നിന്നും കിട്ടുന്ന എക്‌സൈസ് വരു­മാനം കൃത്യ­മായി ട്രഷ­റി­ക­ളില്‍ ചെന്നെ­ത്തി­യി­ല്ലെ­ങ്കില്‍ സര്‍ക്കാര്‍ ജീവ­ന­ക്കാര്‍ക്ക് ഒന്നാം തീയ­തി­വ­രു­മ്പോള്‍ ശമ്പളം നല്‍കാന്‍ കഴി­യി­ല്ല. മദ്യം, മയ­ക്കു­മ­രു­ന്ന്, സി­നി­മാ­ലോ­കം, ചാന­ലു­കള്‍, ആ­ഡം­ബര ഹോട്ട­ലു­കള്‍, സ്വര്‍­ണ­­ക്ക­ട­കള്‍, തുണി­ക്ക­ട­കള്‍, ഷോപ്പിംഗ് മാളു­കള്‍, മൊ­ബൈ­ല്‍ ഫോണു­കള്‍, കൊട്ടാര സ­മാ­ന­മായ കാറു­കള്‍ എന്നി­വ­യൊ­ക്കെ­യാ­ണ് ഇന്ന് കേര­ള­ത്തി­ന്റെ മുഖ­മു­ദ്ര. ഇന്ത്യ­യില്‍ പ്രതി­മാസം 1.5 കോടി മൊ­ബൈല്‍ ഫോണു­കള്‍ വില്‍ക്ക­പ്പെ­ടു­ന്നു­വെ­ന്നാണ് കണ­ക്ക്. ഇക്കാ­ര്യ­ത്തില്‍ ഏറ്റവും ഉയ­ര്‍ന്ന വളര്‍ച്ച കേര­ള­ത്തി­ലാ­ണ്.
സാമൂ­ഹ്യ­-­കു­ടുംബ പ്രശ്‌ന­ങ്ങള്‍ ഇന്ന് കേര­ള­ത്തില്‍ നിര­വ­ധി­യാ­ണ്. ആത്മ­ഹ­ത്യ­കള്‍, വിവാ­ഹ­മോ­ച­നം, വയോ­ധി­ക­രുടെ ദുരി­ത­ജീ­വി­തം, നിരാ­ലം­ബ­ര­ായ സ്ത്രീകള്‍, കുട്ടി­കള്‍, സാംസ്‌കാ­രിക മൂല്യ­ച്യുതി ഇ­വ­യി­ലൊക്കെ കേരളം മുന്നി­ല്‍ നില്‍ക്കുന്നു. ആരോ­ഗ്യ­ത്തിന്റെ കാര്യ­ത്തില്‍ കേരളം പിന്നോ­ട്ടാ­ണ്. മര­ണ­നി­രക്ക് കുറ­ഞ്ഞെ­ങ്കിലും രോഗ­പീ­ഡയുടെ നിര­ക്ക് ദിനം­പ്രതി ഉയ­രു­ക­യാ­ണ്. ഇക്കാര്യം പരി­ഹ­രി­ക്കു­ന്ന­തില്‍ സ്റ്റേറ്റ് പിന്നോട്ട് പോയ­പ്പോള്‍ അതും സ്വകാ­ര്യ­മേ­ഖ­ലയ്ക്ക് ലാ­ഭം കൊയ്യാന്‍ അവ­സരം ന­ല്‍­കി. വിദ്യാ­ഭ്യാ­സ­മേ­ഖ­ല­യില്‍ വളര്‍ച്ച­യു­ണ്ടാ­യെങ്കിലും ഗുണ­മേന്മ വള­രെ­യേറെ കുറ­ഞ്ഞു. ഇവി­ടെയും സ്വകാ­ര്യ­വ­ത്ക്ക­രണം ശക്ത­മാ­കു­ക­യാ­ണ്. വ­ലിയ ഒരു വിഭാഗം ജന­ങ്ങള്‍ക്ക് പൊതു­വി­ദ്യാ­ഭ്യാസം അന്യ­മാ­കാന്‍ പോകു­ന്ന­തിന്റെ തുടക്കം കണ്ടു­തു­ട­ങ്ങി­യി­രി­ക്കു­ന്നു.
പ്രശ്‌ന­ങ്ങള്‍, ആശ­ങ്ക­കള്‍ നിര­വ­ധി­യാ­ണ്. എന്നാല്‍ ഒരു കാര്യം നാം ശ്രദ്ധി­ക്ക­ണം. ഇ­ന്ത്യ­യിലെ മറ്റ് സംസ്ഥാ­ന­ങ്ങ­ളെ അപേ­ക്ഷിച്ച് കേരളം വ്യത്യ­സ്ത­മായ ഒരു പാത­യി­ലാ­ണ് മുന്നേറി­ക്കൊ­ണ്ടി­രി­ക്കു­ന്ന­ത്. ദൈവ­ത്തിന്റെ സ്വന്തം നാടിന് ഒരു മാറ്റ­വു­മി­ല്ല. ഉണ്ടാ­കാന്‍ പാടി­ല്ല. അത് നാം സംര­ക്ഷി­ക്ക­ണം. പക്ഷെ  അതെ­ങ്ങിനെ സാധ്യ­മാ­കും. ഇവിടെ കേര­ള­ത്തില്‍ ഒരു പുതിയ രാഷ്ട്രീയ സംസ്‌കാരം ഉണ്ടാ­യേ­തീ­രു. ഇവിടെ മുഖ്യ­ധാരാ രാഷ്ട്രീയ പാര്‍ട്ടി­ക­ളു­ണ്ട്. വള­രെ­യ­ധികം ചെറിയ പാര്‍ട്ടി­ക­ളു­മു­ണ്ട്. എ­ന്നാ­ല്‍ കുറേ­ക്കാ­ല­മായി നില­നില്‍ക്കുന്ന UDF, LDF എ­ന്നീ രണ്ട് വ്യത്യസ്ത രാഷ്­ട്രീയ കൂ­ട്ടു­കെ­ട്ടു­ക­ളു­ണ്ട്. അവര്‍ തമ്മില്‍ കേരള വിക­സ­ന­ത്തി­നെ­ക്കു­റിച്ച് വിശ­ദ­മായി ചര്‍ച്ച ചെയ്ത് യോജിച്ച ഒരു അജ­ന്‍­ഡ സൃ­ഷ്­ടി­ക്കാന്‍ ഇനി വൈ­കി­ക്കൂ­ടാ. ലക്ഷ്യ­ങ്ങ­ളുടെ കാര്യ­ത്തില്‍ യോ­ജി­പ്പു­ണ്ടാ­ക്കാന്‍ വിഷ­മ­മി­ല്ല. ലക്ഷ്യ­ങ്ങള്‍ നേടാന്‍ കാര്യ­ക്ഷ­മ­മായ പ്രവര്‍ത്ത­ന­ശൈ­ലി­ക്ക് രൂപം കൊടു­ക്ക­ണം. വി­ക­­സ­നം നേട­ണ­മെ­ങ്കില്‍ ഗവ­ര്‍­ണ­ന്‍സ് മെച്ചപ്പെടണം. ഇതിന് മു­ഖ്യ­മായ തടസ്സം ഇന്ന് വിഘ­ടി­ച്ച് നില്‍ക്കുന്ന രാഷ്ട്ര­സ­മൂ­ഹ­വും ഏത് തര­ത്തിലും വഴ­ങ്ങു­ന്ന രാഷ്ട്രീ­യവും ആണ്. മാറി­മാറി ഭര­ണ­ത്തില്‍ വന്നാ­ലും ഗ­വേ­ര്‍ണന്‍സ് മെച്ചപ്പെ­ടു­ത്തി ല­ക്ഷ്യ­ങ്ങള്‍ കൈവ­രി­ക്കു­മെന്ന് പര­സ്പരം കാണി­ച്ചു­കൊ­ടു­ക്കാ­ന്‍ UDF ഉം LDF ഉം ദൃഢ­പ്ര­തി­ജ്ഞ എടു­ക്ക­ണം. അതി­ല്ലെ­ങ്കില്‍ God’s own country, Dog;s own country ആയി­ത്തീ­രുമെന്ന് ആശ­ങ്ക­പ്പെ­ടേ­ണ്ടി­വ­രും.

Posted in മൂല്യം | Tagged: | Leave a Comment »

ഒബാമയ്ക്ക് വിഭ്രാന്തി – പ്രഫ. കെ രാമചന്ദ്രന്‍ നായര്‍

Posted by ജനയുഗം വാര്‍ത്തകള്‍ on മാര്‍ച്ച് 9, 2010

ഒബാമയ്ക്ക് വിഭ്രാന്തി

പ്രഫ. കെ രാമചന്ദ്രന്‍ നായര്‍

അമേരിക്കയിലെ പ്രമുഖ ബാങ്കുകളും ധനകാര്യ സ്ഥാപനങ്ങളും തീര്‍ക്കാര്‍ വയ്യാത്ത ബാധ്യതകള്‍മൂലം തകര്‍ന്നപ്പോള്‍ തുടങ്ങിയ വിഭ്രാന്തി ഇന്ന് ഉച്ചകോടിയിലെത്തിയിരിക്കുന്നു. ഈ വിഭ്രാന്തിക്ക് കാരണം ഇന്ത്യയാണെന്ന് വ്യക്തമായിരിക്കുന്നു. കടുത്ത സാമ്പത്തിക പ്രതിസന്ധി അമേരിക്കയെ വേട്ടയാടിയപ്പോള്‍ ഇന്ത്യ ഉയര്‍ന്ന സാമ്പത്തിക വളര്‍ച്ചയുടെ പാതയില്‍ മുന്നേറുന്ന കാഴ്ച ഒബാമയ്ക്ക് വിഭ്രാന്തി ഉണ്ടാക്കിയതില്‍ അത്ഭുതപ്പെടാനില്ല. അമേരിക്കന്‍ പ്രതിസന്ധിയും സാമ്പത്തിക മാന്ദ്യവും കടല്‍കടന്ന് ഇന്ത്യയിലും എത്തുമെന്ന ഭീതി പരന്നപ്പോള്‍ ഇന്ത്യ കരുതല്‍ നടപടികളെടുക്കാന്‍ താമസിച്ചില്ല. വലിയ രക്ഷാപാക്കേജ് നടപ്പാക്കാന്‍ തുടങ്ങിയതോടുകൂടി സാമ്പത്തിക മാന്ദ്യം ഇന്ത്യയില്‍ കാലുറയ്ക്കില്ലെന്ന് തീര്‍ച്ചയായി. പതിനൊന്നാം പദ്ധതി പ്രകാരമുള്ള നിക്ഷേപ പരിപാടികള്‍ തുടരുകയും ചെയ്തു. സമ്പദ്‌വ്യവസ്ഥയുടെ ചില ഉപമേഖലകളില്‍ ചെറിയ മാന്ദ്യത്തിന്റെ ലക്ഷണങ്ങള്‍ ഇന്ത്യയിലും ഉണ്ടായി. എന്നാല്‍ അത് വ്യാപിക്കാന്‍ സ്റ്റേറ്റ് എടുത്ത നടപടികള്‍ സമ്മതിച്ചില്ല. പുറം കരാര്‍ ജോലിയെ ആധാരമാക്കിയല്ല ഇന്ത്യയിലെ ഐ ടി വ്യവസായം നിലനില്‍ക്കുന്നതും വളരുന്നതും എന്ന തിരിച്ചറിവ് ഒരു വശത്തുള്ളപ്പോള്‍ തന്നെ ഒബാമ കൂടുതല്‍ വിഭ്രാന്തിയിലേയ്ക്ക് നീങ്ങിയിരിക്കുന്നു. ഒബാമയുടെ പുതിയ അജണ്ടയില്‍ നാട്ടുകാരുടെ തൊഴില്‍ സംരക്ഷിക്കാനാണ് ഇപ്പോള്‍ പുറപ്പാട്. പുറം കരാര്‍ ജോലിക്ക് അമേരിക്കന്‍ കമ്പനികള്‍ ഗവണ്മെന്റ് നല്‍കിയിരുന്ന നികുതിയിളവ് ഇനിയുണ്ടാകില്ലായെന്നാണ് ഒബാമ പ്രഖ്യാപിച്ചിരിക്കുന്നത്. അത്രകണ്ടാണ് അമേരിക്കയിലെ ഇന്നത്തെ തൊഴിലില്ലായ്മ. ഒബാമയുടെ ഈ നടപടി ഇന്ത്യയെ തളര്‍ത്തുകയില്ല. അമേരിക്ക പിന്മാറിയാല്‍ ഇന്ത്യയ്ക്ക് മറ്റ് രാജ്യങ്ങളുമായി പുറം കരാര്‍ ജോലികള്‍ക്ക് ഏര്‍പ്പാടുണ്ടാക്കാം.
ഒബാമയുടെ വിഭ്രാന്തി ഡാവോസ് സമ്മേളനത്തില്‍ ഈയിടയ്ക്ക് സമ്പന്ന രാജ്യങ്ങളുടെ തലവന്മാര്‍ക്കിടയിലും പരക്കുന്നതായിട്ടാണ് മാധ്യമ റിപ്പോര്‍ട്ടുകള്‍ സൂചിപ്പിക്കുന്നത്. ഇന്ത്യയെ ഉദാരവത്ക്കരണം, സ്വകാര്യവത്ക്കരണം, ആഗോളവത്ക്കരണം എന്ന മുക്കൂട്ട് കഷായം കഴിപ്പിക്കാന്‍ കഴിഞ്ഞ 20 വര്‍ഷമായി അമേരിക്കയുള്‍പ്പെടെയുള്ള സമ്പന്ന രാജ്യങ്ങള്‍ കഠിന പ്രയത്‌നം ചെയ്തിട്ടും ഇന്ത്യ ഏതാണ്ടൊക്കെ കാട്ടിക്കൂട്ടിയെന്ന് മാത്രം. ഒബാമയ്ക്ക് വിഭ്രാന്തിയുണ്ടാക്കാന്‍ ഇതില്‍ കൂടുതലെന്തുവേണം. ഇന്ത്യ തങ്ങള്‍ക്ക് നല്ലതെന്തോ അത് സ്വീകരിച്ചു. നല്ലതല്ലാത്തതിനെ കുറിച്ച് ആശങ്ക പ്രകടിപ്പിച്ചു. ചില നടപടികള്‍ക്ക് സമയമായില്ലെന്ന് സ്വയം പരിശോധിച്ച് കണ്ടെത്തി. അതുകൊണ്ടാണ് വളരെയേറെ സംയമനം പാലിച്ചു ഇന്ത്യ ഉദാരവത്ക്കരണം, സ്വകാര്യവത്ക്കരണം, ആഗോളവത്ക്കരണം എന്നതിലേയ്ക്ക് എടുത്ത് ചാടാത്തത്. ഇതിനുമുപരി ഇടതുപക്ഷ കക്ഷികളുടെ കടുത്ത എതിര്‍പ്പും കേന്ദ്രസര്‍ക്കാരിനെ ചില കാര്യങ്ങളില്‍ പുനര്‍ ചിന്ത നടത്താന്‍ പ്രേരിപ്പിച്ചിട്ടുണ്ട്. ഇതിന് ഉത്തമോദാഹരണമാണ് പൊതുമേഖലയെക്കുറിച്ചുള്ള കേന്ദ്രത്തിന്റെ സമീപനം. ഇതും ഒബാമയുടെ വിഭ്രാന്തി രൂക്ഷമാക്കിയേക്കും.
1948 ല്‍ സ്വീകരിച്ച കേന്ദ്ര വ്യവസായ നയമാണ് ആദ്യമായി വ്യവസായവത്ക്കരണത്തില്‍ മുഖ്യ പങ്ക് വഹിക്കേണ്ടത് സ്റ്റേറ്റാണെന്ന് പ്രഖ്യാപിച്ചത്. പിന്നീട് 1956 ല്‍ സ്വീകരിച്ച രണ്ടാം വ്യവസായ നയം സ്റ്റേറ്റിനു കൂടുതല്‍ ചുമതലകള്‍ നല്‍കി. സ്റ്റേറ്റ് ഏറ്റെടുക്കുന്ന ചുമതലകള്‍ കഴിഞ്ഞ് ബാക്കി വരുന്നവ സ്വകാര്യമേഖലയ്ക്ക് എന്ന സമീപനമാണ് ഇന്ത്യ സ്വീകരിച്ചത്. രണ്ടാം പഞ്ചവത്സര പദ്ധതി മുതല്‍ ഈ സമീപനം ചില്ലറ ഏറ്റക്കുറച്ചിലുകളോടെ ഇന്ത്യ തുടരുകയായിരുന്നു. 1991 ല്‍ തുടങ്ങിയ പുത്തന്‍ സാമ്പത്തിക പരിഷ്‌ക്കാരങ്ങളുടെ ഫലമാണ് പൊതുമേഖലയുടെ പ്രാധാന്യം കുറയാന്‍ പ്രധാന കാരണം. എന്നാലിന്ന് 2010 ല്‍ ഇതിന് മാറ്റം കണ്ടുതുടങ്ങിയിരിക്കുന്നു. ഇത് ഇനി വരും വര്‍ഷങ്ങളില്‍ ശക്തമാകും.
ഈയിടക്ക് Dun and Bradsheet എന്ന സുപ്രസിദ്ധ ഏജന്‍സി പുറത്തിറക്കിയ ‘India’s Top PSUS 2009” എന്ന റിപ്പോര്‍ട്ട് വായിച്ചായിരിക്കാം ഒബാമ കൂടുതല്‍ വിഭ്രാന്തിയിലായത്. 121 കേന്ദ്ര പൊതുമേഖലാ സ്ഥാപനങ്ങള്‍, കമ്പനികള്‍ എന്നിവയെക്കുറിച്ചാണ് ഈ റിപ്പോര്‍ട്ട്. ഈ 121 സ്ഥാപനങ്ങളുടെ ആകെ വാര്‍ഷിക വരുമാനം 14675 ബില്യണ്‍ ഉറുപ്പികയാണ്. രാജ്യത്തിന്റെ ജി ഡി പി യുടെ 31.1 ശതമാനം വരും ഇത്. വാര്‍ഷിക വളര്‍ച്ചാനിരക്ക് 16.8 ശതമാനമാണ്. വരുമാനത്തിനുമുപരി ഈ 121 സ്ഥാപനങ്ങള്‍ ഉണ്ടാക്കിയ ലാഭം മാത്രം 1221.36 ബില്യണ്‍ ഉറപ്പികയാണ്.
ഇവയില്‍ വെറും 31 പൊതുമേഖലാ കമ്പനികളുടെ വിറ്റുവരവ് 216 മുഖ്യ സ്വകാര്യ കമ്പനികളുടെ വിറ്റുവരവിനോടൊപ്പം എത്തി. ഈ 31 കമ്പനികള്‍ തന്നെ കേന്ദ്രത്തിന്റെ ഫിസ്‌ക്കല്‍ വരുമാനത്തിന് നല്‍കിയ സംഭാവനയുടെ കാര്യത്തിലും മുന്നിലെത്തി. ശരാശരി സ്വകാര്യ കമ്പനികളേക്കാള്‍ ഈ കമ്പനികളുടെ സാമ്പത്തിക അടിത്തറ വളരെ മെച്ചമാണെന്ന് റിപ്പോര്‍ട്ട് പറയുന്നു. ഇന്ത്യയുടെ ഇന്നത്തെ സാമ്പത്തിക ഭദ്രതയുടെയും വികസനത്തിന്റെയും അടിസ്ഥാനം ഈ കമ്പനികള്‍ തന്നെയാണ്. അല്ലാതെ സ്വകാര്യമേഖലയിലെ വന്‍ കമ്പനികളല്ല. ബ്രസീല്‍, ചൈന എന്നീ BRIC രാജ്യങ്ങളിലും കൂടുതല്‍ വിശകലനം ചെയ്താല്‍ ഫ്രാന്‍സ്, ജപ്പാന്‍, ജര്‍മനി, ഇറ്റലി, ഓസ്‌ട്രേലിയ, ദക്ഷിണ കൊറിയ, മലേഷ്യ തുടങ്ങിയ രാജ്യങ്ങളിലും പൊതുമേഖലയും അതില്‍ പ്രവര്‍ത്തിക്കുന്ന കമ്പനികളുമാണ് വികസനവും സാമ്പത്തിക ഭദ്രതയും ഉറപ്പാക്കിയത് എന്ന് കാണാം.
1991 ല്‍ പുത്തന്‍ സാമ്പത്തിക പരിഷ്‌കാരങ്ങളുടെ ഭാഗമായി കേന്ദ്രം പ്രഖ്യാപിച്ച വ്യവസായ നയത്തില്‍ പൊതുമേഖലയെ ഇല്ലാതാക്കുമെന്ന സൂചനയില്ല. എന്നാല്‍ ഭരണകക്ഷികളുടെ നേതാക്കളും ഭരണത്തിലിരിക്കുന്ന മന്ത്രിമാരും അവരുടേതായ ചില പ്രസ്താവനകള്‍ ഇറക്കി ജനങ്ങളെ ആശങ്കയിലാക്കിയിരിക്കയാണ്. 1991 ലെ വ്യവസായ നയം പറയുന്ന പ്രധാന കാര്യങ്ങള്‍ ഇവയാണ്. (1) പൊതുമേഖലയും നിക്ഷേപങ്ങളും കാലാകാലം വിലയിരുത്തും. (2) സാങ്കേതികമുന്നേറ്റമുള്ള മേഖലകളില്‍ പൊതുമേഖലാ സ്ഥാപനങ്ങള്‍ ശ്രദ്ധകേന്ദ്രീകരിക്കും. (3) അടിസ്ഥാന സൗകര്യവികസനം പൊതുമേഖലയുടെ മുന്‍ഗണനയായിരിക്കും. (4) പൊതുമേഖലയ്ക്ക് മാത്രമായി മാറ്റിനിര്‍ത്തിയിരുന്ന പ്രവര്‍ത്തനങ്ങളില്‍ വിശദമായ പഠനത്തിനും വിലയിരുത്തലിനും ശേഷം സ്വകാര്യ കമ്പനികള്‍ക്ക് കടന്നുവരാന്‍ അനുവാദം നല്‍കും. (5) നേരത്തെ കടന്നുവരാത്ത പല പ്രവര്‍ത്തനമേഖലകളിലേയ്ക്കും പൊതുമേഖലാ കമ്പനികള്‍ക്ക് ഇനി പ്രവേശിക്കാം. (6) ഒരുതരത്തിലും കരകയറ്റാന്‍ കഴിയാത്ത പൊതുമേഖലാ കമ്പനികളെ അടച്ചുപൂട്ടുന്നതില്‍ തെറ്റില്ല. എന്നാലത് ചെയ്യുമ്പോള്‍ അവയിലെ ജീവനക്കാര്‍ക്ക് പകരം ജോലിയോ പൂര്‍ണമായ സാമൂഹ്യസുരക്ഷയോ ഉറപ്പാക്കും. (7) സര്‍ക്കാരും പൊതുമേഖലാ കമ്പനികളുമായി MOU കരാറുകള്‍ ഉണ്ടാക്കും. അതനുസരിച്ചായിരിക്കും അവ പ്രവര്‍ത്തിക്കുക. (8) കമ്പനികളുടെ മാനേജുമെന്റുകള്‍ക്ക് പ്രവര്‍ത്തന സ്വാതന്ത്ര്യം അനുവദിക്കും. (9) അടിസ്ഥാന സൗകര്യ വികസനമേഖല, എണ്ണ-ധാതു പര്യവേഷണം, ഉത്പ്പാദനം, ദീര്‍ഘകാല വികസനത്തിന് വേണ്ട ഉത്പാദനശേഷി വര്‍ധിപ്പിക്കുക, സ്വകാര്യമേഖല കടന്നുവരാന്‍ മടിക്കുന്ന മേഖലകള്‍ക്ക് മുന്‍ഗണന എന്നിവയായിരിക്കും പൊതുമേഖലാ കമ്പനികള്‍ ലക്ഷ്യം വയ്‌ക്കേണ്ടത്.
ഏതായാലും ആരു വിചാരിച്ചാലും ഇന്ത്യയിലെ പൊതുമേഖലയെ തളര്‍ത്താനോ തകര്‍ക്കാനോ സാധിക്കില്ല. സ്വകാര്യ കുത്തക കമ്പനികള്‍ക്ക് വേണ്ടി വായ്ത്താരിയിടുന്നവരുണ്ടാകാം. പക്ഷേ ഈ സ്വകാര്യ കമ്പനികള്‍ക്കും അറിയാം, പൊതുമേഖലയുടെ ശക്തി. ഇന്ന് കേന്ദ്ര റവന്യൂ വരുമാനത്തിന്റെ മൂന്നിലൊന്ന് പൊതുമേഖലയാണ് സംഭാവന ചെയ്യുന്നത്. 2007 ല്‍ 268 ബില്യണ്‍ ഉറുപ്പികയാണ് ഡിവിഡന്റായി ഈ മേഖല സര്‍ക്കാരിന് നല്‍കിയത്. ഇന്ന് പൊതുമേഖലാ കമ്പനികളുടെ ഓഹരികള്‍ക്ക് നല്ല പ്രിയമാണ്. ഈ ഓഹരികളുമായി മത്സരിക്കാന്‍ സ്വകാര്യ കമ്പനികളുടെ ഓഹരികള്‍ക്ക് കഴിയില്ല. അറ്റാദായത്തിന്റെ കാര്യത്തില്‍ മുന്‍നിരയിലുള്ള പൊതുമേഖലാ  കമ്പനികള്‍ ഇവയാണ്. ONGC, NTPC, SAIL, IOC, SBI, NMDCL, BSNL, BHEL, GAIL, COAL INDIA LTD. 18 നവരത്‌നാ കമ്പനികളുടെ ആകെ വരുമാനം ഇന്ത്യയുടെ ജി ഡി പിയുടെ 15 ശതമാനം വരും. ഏതാണ്ട് 6871 ബില്യണ്‍ ഉറുപ്പിക. വിറ്റുവരവ്, ലാഭം, ക്യാഷ് റേഷ്യോ തുടങ്ങിയ ഏത് സൂചികയെടുത്താലും പൊതുമേഖലാ കമ്പനികള്‍ സ്വകാര്യമേഖലാ കമ്പനികളുടെ മുന്നില്‍തന്നെയാണ്.
ഒബാമയുടെ വിഭ്രാന്തിയുടെ മറ്റൊരു കാരണം ഇന്ത്യയിലെ പൊതുമേഖല-സ്വകാര്യമേഖലാ കമ്പനികളുടെ വന്‍ വളര്‍ച്ചയും വലുപ്പവുമാണ്. ഇന്ത്യന്‍ കമ്പനികള്‍ അമേരിക്കന്‍ കമ്പനികളെ വിലക്ക് വാങ്ങാന്‍ തുടങ്ങിയിരിക്കുന്നു. ഹോളിവുഡിലെ സിനിമാ നിര്‍മാണ സ്റ്റുഡിയോകള്‍ വാങ്ങാന്‍ ഇന്ത്യന്‍ കമ്പനികള്‍ തയ്യാറായിട്ടുണ്ട്. അമേരിക്കയിലെ ഐ ടി, ബഹിരാകാശഗവേഷണം, സര്‍വകലാശാലകള്‍, ആരോഗ്യമേഖല എന്നിവയുടെ ദൈനംദിന പ്രവര്‍ത്തനമൊക്കെ ഇന്ത്യന്‍ വംശജരുടെ മിടുക്കിലാണ് നടക്കുന്നത്. ഇന്ത്യയുടെ വളര്‍ച്ചയില്‍ ആകൃഷ്ടരായി ഇവരൊക്കെ നാട്ടിലേയ്ക്ക് മടങ്ങിയാല്‍ അമേരിക്ക അടിപ്പെടും. മാത്യഭാഷയായ ഇംഗ്ലീഷും എഞ്ചുവടിക്കണക്കും അറിയാത്ത ഒരു പുതിയ തലമുറയാണ് അമേരിക്കയില്‍ വളര്‍ന്നുവരുന്നത്. ടാഗോറിന്റെ തലമുറയ്ക്ക് മാത്രമല്ല, ഇന്നത്തെ തലമുറയിലെ ഇന്ത്യക്കാര്‍ക്കും നോബല്‍, ഓസ്‌ക്കാര്‍, ഗ്രാമി സമ്മാനം നേടാനാകും എന്ന് തെളിഞ്ഞിരിക്കുന്നു. വിഭ്രാന്തി കൂടി, ഒബാമയ്ക്ക് ഉറക്കം നഷ്ടപ്പെടുമെന്ന് തീര്‍ച്ച.

Posted in മൂല്യം | Tagged: | Leave a Comment »

പുതുവത്സര സ്വപ്നങ്ങള്‍ – പ്രഫ. കെ രാമചന്ദ്രന്‍

Posted by ജനയുഗം വാര്‍ത്തകള്‍ on ജനുവരി 7, 2010

പുതുവത്സര സ്വപ്നങ്ങള്‍ – പ്രഫ. കെ രാമചന്ദ്രന്‍

1

2

3

Posted in മൂല്യം | Tagged: , , | Leave a Comment »

ഒബാമയുടേ സാമ്പത്തിക അജണ്ട – പ്രഫ കെ. രാമചന്ദ്രൻ നായർ

Posted by ജനയുഗം വാര്‍ത്തകള്‍ on ഫെബ്രുവരി 3, 2009

ഒബാമയുടേ സാമ്പത്തിക അജണ്ട

– പ്രഫ കെ. രാമചന്ദ്രൻ നായർ

janayugom-20090129_obama01

1

2

2


janayugom-20090129_obama03

1

Posted in മൂല്യം | Tagged: , , | Leave a Comment »

ആഗോള പ്രതിസന്ധിയെ സംബന്ധിച്ച യു എൻ പാനൽ – പ്രഫ കെ രാമചന്ദ്രൻ

Posted by ജനയുഗം വാര്‍ത്തകള്‍ on ജനുവരി 4, 2009

ആഗോള പ്രതിസന്ധിയെ സംബന്ധിച്ച യു എൻ പാനൽ

പ്രഫ കെ രാമചന്ദ്രൻ

1

1

2

2

3

3

Posted in മൂല്യം | Tagged: , , , , , | 1 Comment »

അമേരിക്കന്‍ ധനവിപണിയുടേ തകര്‍ച്ച – പ്രഫ കെ രാമചന്ദ്രന്‍ നായര്‍

Posted by ജനയുഗം വാര്‍ത്തകള്‍ on സെപ്റ്റംബര്‍ 25, 2008

അമേരിക്കന്‍ ധനവിപണിയുടേ തകര്‍ച്ച

പ്രഫ കെ രാമചന്ദ്രന്‍ നായര്‍

1

1

2

2

3

3

Posted in മൂല്യം | Tagged: , , , | 1 Comment »

സെസ്‌ ഉയര്‍ത്തുന്ന ആശങ്കകള്‍ – പ്രഫ. കെ രാമചന്ദ്രന്‍ നായര്‍

Posted by ജനയുഗം വാര്‍ത്തകള്‍ on സെപ്റ്റംബര്‍ 11, 2008

സെസ്‌ ഉയര്‍ത്തുന്ന ആശങ്കകള്‍

പ്രഫ. കെ രാമചന്ദ്രന്‍ നായര്‍

1

1

2

2

3

3

Posted in മൂല്യം | Tagged: , , , | 1 Comment »

സാമ്പത്തിക നിരീക്ഷണ റിപ്പൊര്‍ട്ടും യാഥാര്‍ത്ഥ്യങ്ങളും.

Posted by ജനയുഗം വാര്‍ത്തകള്‍ on ഓഗസ്റ്റ് 28, 2008

സാമ്പത്തിക നിരീക്ഷണ റിപ്പൊര്‍ട്ടും യാഥാര്‍ത്ഥ്യങ്ങളും.

പ്രഫ. കെ രാമചന്ദ്രന്‍ നായര്‍

ഇന്ത്യയിലെ സാധാരണ ജനങ്ങള്‍ക്ക്‌ ആശങ്കയുണ്ടാക്കുന്നതരത്തിലാണ്‌ സമ്പദ്‌വ്യവസ്ഥയും രാജ്യവും ഇന്ന്‌ മുന്നോട്ട പോകുന്നത്‌.

വിലക്കയറ്റം രണ്ടക്ക നിരക്ക്‌കടന്നു. അത അടുത്തകാലത്തകുറയുന്ന ലക്ഷണവുമില്ല. വളര്‍ച്ചാനിരക്ക്‌ കഴിഞ്ഞവര്‍ഷത്തേക്കാള്‍ കുറയു മെന്ന്‌ പലരും പ്രവചിച്ചു തുടങ്ങി. കാര്‍ഷികമേഖല തളര്‍ച്ചയിലാണ്‌. ഭക്ഷ്യസുരക്ഷ അപകടത്തി ലാണ്‌. തൊഴില്‍ലഭ്യതയില്‍ മെച്ചം കാണു ന്നില്ല. ഇത്തരം ആശങ്കകള്‍ നിലനില്‍ക്കുമ്പോള്‍ പ്രധാനമന്ത്രിയുടെ സാമ്പത്തിക ഉപദേശകസമിതി ഇക്കഴിഞ്ഞ ജൂലൈ 30ന്‌, 2008-09 കാലത്തേക്കുള്ള ‘സാമ്പത്തിക നിരീക്ഷണം’ (ECONOMIC OUTLOOK, 2008-9) എന്ന റിപ്പോര്‍ട്ട്‌ അവതരിപ്പിക്കുകയുണ്ടായി. നേരത്തെസൂചിപ്പിച്ച ആശങ്കകള്‍ ദൂരീകരിക്കാന്‍ ഈ റിപ്പോര്‍ട്ടിന്‌ കഴിയുമോ എന്ന്‌ പരിശോധിക്കാം.

ഒമ്പത്‌ വിഭാഗങ്ങളുള്ള റിപ്പോര്‍ട്ടാണത്‌. സാമ്പത്തികവളര്‍ച്ച, അന്താരാഷ്ട്ര സാമ്പത്തിക സ്ഥിതി, സമ്പദ്‌വ്യവസ്ഥയിലെ ഘടന, വിദേശവാണിജ്യം, മൂലധന ഒഴുക്ക്‌, വിലനിലവാരം, തൊഴില്‍, ഫൈനാന്‍ഷ്യല്‍ മേഖല, ഓഹരികമ്പോളം, കേന്ദ്രത്തിന്റെയും സംസ്ഥാനങ്ങളുടെയും ഫിസ്ക്കല്‍സ്ഥിതി എന്നിവയാണ്‌ റിപ്പോട്ടില്‍ വിശകലനം ചെയ്തിട്ടുള്ളത്‌. 2007-08 ലെ സ്ഥിതിയുമായി താരതമ്യം ചെയ്താണ്‌ 2008-09 ലേക്കുള്ള നിരീക്ഷണംനടത്തിയിട്ടുള്ളത്‌.

2007-08 ലെ സാമ്പത്തികവളര്‍ച്ചാനിരക്ക്‌ 9 ശതമാനമായിരുന്നു എന്ന്‌ പറയുന്ന നിരീക്ഷണ റിപ്പോര്‍ട്ട്‌ പിന്നിട്‌ 2003-04 കാലത്ത്‌ ഇതിലും കുറഞ്ഞ നിരക്കായിരുന്നുവെന്ന്‌സൂചിപ്പിച്ചുകൊണ്ട്‌ ആശ്വാസംജനിപ്പിക്കുന്നുണ്ട്‌. എന്നാല്‍ 2008-09 ലെ കാര്യം പറയുമ്പോള്‍ 9 ശതമാനം നിരക്ക്‌ കൈവരിക്കാന്‍ കഴിയില്ല എന്ന്‌ പറയുന്നു. അതിനുള്ള പഴി മുഴുവന്‍ അന്താരാഷ്ട്ര സമ്പദ്‌വ്യവസ്ഥയിലെ സംഭവങ്ങള്‍ക്കാണ്‌ നല്‍കിയിട്ടുള്ളത്‌. ലോകവപണിയിലെ ഉയര്‍ന്ന വിലക്കയറ്റം, പ്രത്യേകിച്ചും ക്രൂഡോയിലിന്റേത്‌. സാമ്പത്തികതളര്‍ച്ച, മൂലധന-വായ്‌പാ വിപണിയിലുണ്ടായ കടുത്തഞ്ഞെരുക്കം എന്നിവ ഇന്ത്യയുടെ സാമ്പത്തിക സ്ഥിതിയേയുംസാരമായി ബാധിച്ചു. 1991 മുതല്‍ തുടങ്ങിയ സമ്പദ്‌വ്യവസ്ഥിതിയുടെ തുറന്നിടലലേന്‍ ഇതിന്‌ കാരണം എന്നതിന്‌ ഇവിടെ പ്രസക്തിയുണ്ട്‌. ഇനിയും കലവറയിലുള്ള മറ്റ്‌ ചില നയങ്ങള്‍ കൂടി പുറത്തെടുത്താല്‍ ഇന്ത്യന്‍ സമ്പദ്‌വ്യവസ്ഥ, ലോകസമ്പദ്‌വ്യവസ്ഥയിലെ ചാഞ്ചാട്ടങ്ങളനുസരിച്ച്‌ നീങ്ങേണ്ടിവരും. എണ്ണ ഇറക്കുഅി‍യിലുണ്ടായ വര്‍ധിച്ച ചെലവ്‌ വിദേശ അടച്ചുബാക്കി കണക്കിലെ കമ്മി വര്‍ധിപ്പിച്ചു. ഇത്‌ 2008-09 ലും തുടരുമെന്നാണ്‌ സൂചന. ഇതിന്റെയൊക്കെ ഫലമായി ഇന്ത്യയുടെ സാമ്പത്തികവളര്‍ച്ചാനിരക്ക്‌ ഈവര്‍ഷത്തില്‍ ഇനിയും കുറയാനാണ്‌ സാധ്യത. 2008-09 ല്‍ നിരക്ക്‌ 7.7 ശതമാനമായിരിക്കും എന്ന്‌ നിരീക്ഷണ റിപ്പോര്‍ട്ട്‌ പറയുന്നു. കാര്‍ഷികമേഖലയിലെ വളര്‍ച്ച രണ്ട്‌ ശത മാനത്തിലേറെയാകാന്‍ സാധ്യതയില്ല. അതിന്റെഫലമായി ഭക്ഷ്യസുരക്ഷ 2008-09 ലും അപകടത്തിലാകും.

വ്യവസായ മേഖലയിലെ വളച്ച 2008-09 ല്‍ 7.5 ശതമാനവും സേവനമേഖലയിലെ വളച്ചാനിരക്ക്‌ 9.6 ശതമാനവുമായിരിക്കുമെന്നാണ്‌ പ്രവചനം. എന്നാല്‍ കാര്‍ഷികേതര മേഖലകളുടെ ജി ഡി പി പങ്ക്‌ 2006-07 ല്‍ 11 ശതമാനമായിരുന്നത്‌ 10 ശതമാനമയും, 2008-09 അത്‌ വീണ്ടും കുറഞ്ഞ്‌ 8.9 ശതമാനത്തിലെത്തുമെന്നാണ്‌ നിരീക്ഷണ റിപ്പോര്‍ട്ട്‌പറയുന്നത്‌. ചുരുക്കത്തില്‍ സമ്പദവ്യവസ്ഥയുടെ സമസ്ത മേഖലകളിലും തളര്‍ച്ചയുടെനിഴലുകള്‍ വ്യാപിക്കുകയാണോ എന്നാണ ആശങ്ക. ഭക്ഷ്യ സുരക്ഷ കൂടി ഇല്ലാതായാലും ആഫ്രിക്കന്‍ രാജ്യങ്ങളുടെ നിലവാരത്തിലേക്ക്‌ ഇന്ത്യ എത്തുകയില്ല എന്ന്‌ ആശ്വസിക്കാം. എന്തു കൊണ്ടാണ്‌ ഇന്ത്യയുടെ സാമ്പത്തിക വളര്‍ച്ചാനിരക്ക 2008-09 കാലത്ത കുറയുന്നത്‌. നിരീക്ഷണ റിപ്പോര്‍ട്ട്‌ ഇതിനു മറുപടി പറയാന്‍ ശ്രമിക്കുന്നുണ്ട്‌. വളര്‍ച്ചയ്ക്ക്‌ സഹായകമായ ഘടകാള്‍ അടിസ്ഥാന സൌകര്യങ്ങളണ്‌ . എന്നാലിവയില്‍ വൈദ്യുതി, റോഡ്‌-റെയില്‍ ഗതാഗതം, തുറമുഖങ്ങള്‍, ജലസേചനം, കുടിവെള്ളം എന്നീ ഉപമേഖലകളിലെ തളര്‍ച്ച സാമ്പത്തികവളര്‍ച്ച നിരക്കുകള്‍ കുറയാനിടയാക്കിയിട്ടുണ്ട്‌. ഇതിനുപുറമെ ആഭ്യന്തര മിച്ച സമ്പാദ്യ നിരക്കിലുണ്ടായ കുറവ്‌ നിര്‍ണായകമായ ഒരു ഘടകമായിട്ടുണ്ട്‌.പൊതുമേഖലയിലും സ്വകാര്യ കോര്‍പ്പറേറ്റ്‌ മേഖലയിലും മിച്ചസമ്പാദ്യനിരക്ക്‌ ഒരേപോലെതന്നെ കുറയുകയാണ. സബ്‌സിഡികള്‍ വെട്ടിക്കുറച്ചാല്‍ മാത്രമേ മിച്ചസമ്പാദ്യ നിരക്ക്‌ ഉയര്‍ത്താന്‍ പറ്റൂ എന്നാണ്‌നിരീക്ഷണ റിപ്പോര്‍ട്ട്‌ സൂചിപ്പിക്കുന്നത.

1991 ല്‍ വിദേശവാണിജ്യകണക്കില്‍ ഭീമമായ കമ്മിയുംവിദേശനാണ്യശേഖരത്തില്‍വമ്പിച്ച ചോര്‍ച്ചയും ഉണ്ടായപ്പോഴാണല്ലോ ഉദാരവതക്കരണം, സ്വകാര്യവതക്കരണം,ആഗോളവതക്കരണം എന്ന മുക്കൂട്ട്‌ ചേര്‍ത്ത ഘടനാപരമായ സാമ്പത്തിക പരി ഷ്കാരങ്ങള്‍ക്ക്‌ ഇന്ത്യ തുടക്കം കുറിച്ചത്‌. എന്നിട്ട്‌ 2008-09 ആയപ്പോള്‍ സ്ഥിതിയെന്തായി? വിദേശവാണിജ്യ കണക്കിലെ കറന്റ്‌ അക്കൌണ്ട്‌ കമ്മി 41.50 ബില്യണ്‍ഡോളറിലെത്തി നില്‍ക്കുന്നു. അതേസമയത്ത്‌ വിദേശ മൂല
ധനമായി ഒഴുകിയെത്തിയത്‌ 70.90 ബില്യണ്‍ ഡോളറാണ്‌. അതുകൊണ്ട്‌ തന്നെ വിദേശനാണ്യശേഖരത്തില്‍ എതാണ്ട്‌ 29 ബില്യണ്‍ ഡോളര്‍ വര്‍ധനവുണ്ടയി. എന്നാല്‍ ലോക മൂലധന കമ്പോളത്തില്‍ നിലനില്‍ക്കുന്ന അനിയന്ത്രിതവും ഊഹിക്കാന്‍ പറ്റാത്ത തരത്തിലുമുള്ള ചാഞ്ചാട്ടം 2008-09 ലെ ഇനിയുള്ള മാസങ്ങളില്‍ പ്രശ്നങ്ങള്‍ സുഷ്ടിച്ചേക്കും.

സാമ്പത്തിക നിരീക്ഷണറിപ്പോര്‍ട്ട്‌ (2008-09)9) ല്‍ വിലക്കയറ്റം പണപ്പെരുപ്പം എന്നിവയെക്കുറിച്ച്‌ സൂചിപ്പിക്കുന്നുണ്ട്‌. മൊത്ത വില സൂചിക, ഉപഭോതൃ വിലസൂചികയെന്നിവയില്‍ ഉണ്ടായിട്ടുള്ള വര്‍ധന ആശങ്കയുണ്ടാക്കുന്നില്ല എന്ന്‌പറയുന്ന റിപ്പോര്‍ട്ട്‌ വാര്‍ഷികനിരക്കില്‍ തിട്ടപ്പെടുത്തുന്ന വിലക്കയറ്റത്തിനാണ്‌ പ്രാധാന്യം നല്‍കുന്നത്‌. എന്നാല്‍ 2008 എപ്രിലില്‍ മാത്രം മൊത്തവിലസൂചികയില്‍ 23 ശതമാനത്തിന്റെ വര്‍ധനവുണ്ടായി എന്ന്‌ സമ്മതിക്കുന്നു. 2008 ജൂണില്‍ ഇത്‌ 16 ശതമാനമായിരുന്നു. എന്നല്‍ മൊത്ത സൂചികയില്‍ മാസാമാസം ഉണ്ടാകുന്ന മാറ്റങ്ങള്‍ ഉപഭോതൃവിലസൂചിക, ചിലറ വിലകള്‍ എന്നിവയില്‍ പ്രതിഫലിക്കുന്നില്ല എന്നതാണ്‌ അനുഭവം.

1999–2005 കാലത്ത്‌ തൊഴില്‍ലഭ്യതയില്‍ ഗണ്യമായ വര്‍ധനവുണ്ടായതായി നാഷണല്‍സാമ്പിള്‍ സര്‍വേ 61-ആം വട്ടം സര്‍വേ നല്‍കുന്ന കണക്കുകള്‍ ഉദ്ധരിച്ച്‌ നിരീക്ഷണ റിപ്പോര്‍ട്ട്‌ കേന്ദ്രസര്‍ക്കാരിനെ ശ്ലാഘിക്കുന്നുണ്ട്‌. എന്നാല്‍ കാര്‍ഷികമേഖലയിലെ വര്‍ധനമോശമായി തുടരുന്നു. പണത്തിന്റെ സ്റ്റോക്ക്‌ 21 ശതമാനം കണ്ട്‌ വര്‍ധിച്ചതുകൊണ്ട്‌ വായ്‌പാ വിന്യാസവും വര്‍ധിച്ചിട്ടുണ്ട്‌. റിസര്‍വ്‌ ബാങ്ക്‌ പണപ്പെരുപ്പം നിയന്ത്രിക്കാന്‍ ഈയിടയ്ക്‌ക്‍എടുത്ത നടപടികള്‍ ഫലവത്താകുന്നില്ല എന്ന്‌ സ്പഷ്ടം.

കേന്ദ്രത്തിന്റെയും സംസ്ഥാനങ്ങളുടേയും ഫിസ്കല്‍ സ്ഥിതിയും മെച്ചമഗ്ല. 2001-02 ഫിസ്ക്കല്‍ കമ്മി 9.9 ശതമാനമായിരുന്നത്‌ 2008-09 ല്‍ 4.6 ശതമന്നമായി കുറയുമെന്നാണ്‌ നിരീക്ഷണ റിപ്പോര്‍ട്ടിലെ പ്രവചനം. സബ്‌സിഡികള്‍’ കാര്‍ഷികവായ്‌പ എഴുതിത്തള്ളല്‍, കേന്ദ്രശമ്പള കമ്മിഷന്‍ നിര്‍ദേശങ്ങള്‍നടപ്പിലാക്കുമ്പോഴുണ്ടാക്കുന്നഅധിക ബാദ്ധ്യതകള്‍ എന്നിവഎല്ലാം കൂടി ജി ഡി പി യുടെഅഞ്ച ശതമാനം വരും. ഇവകൂടി കണക്കിലെടുത്താല്‍ ഫിസ്ക്കല്‍ കമ്മി ഇനിയും വര്‍ധിക്കും. ഇതിന്റെ ഭവിഷ്യത്തുകള്‍ റിപ്പോര്‍ട്ടില്‍ സ്പര്‍ശിക്കുന്നില്ല.

ചുരുക്കത്തില്‍ കഴിഞ്ഞവര്‍ഷത്തെ അപേക്ഷിച്ച്‌ 2008-09 ലെ സാമ്പത്തിക നിരീക്ഷണ റിപ്പോര്‍ട്ട്‌ സാധാരണക്കാരന്റെ ആശങ്കകള്‍ക്ക്‌ പരിഹാരംനിര്‍ദേശിക്കുന്നില്ല.

Posted in മൂല്യം | Tagged: , , , | 1 Comment »

ഐ എം എഫ്‌ – ബദലിന്റെ ആവശ്യം – പ്രഫ. കെ രാമചന്ദ്രന്‍ നായര്‍

Posted by ജനയുഗം വാര്‍ത്തകള്‍ on ജൂലൈ 31, 2008

 ഐ എം എഫ്‌ – ബദലിന്റെ ആവശ്യം

പ്രഫ. കെ രാമചന്ദ്രന്‍ നായര്‍

 

 

 

Posted in മൂല്യം | Tagged: , , , | 1 Comment »

വിപണി പൊളിറ്റിക്സ്‌ ജലത്തിനും – പ്രഫ. കെ രാമചന്ദ്രന്‍ നായര്‍

Posted by ജനയുഗം വാര്‍ത്തകള്‍ on ജൂലൈ 17, 2008

വിപണി പൊളിറ്റിക്സ്‌ ജലത്തിനും

പ്രഫ. കെ രാമചന്ദ്രന്‍ നായര്‍

Posted in മൂല്യം | Tagged: , , | 1 Comment »